ام عبدالله 2020

السلام عليكم
لو سمحتوا عندي مشكله عمرها 4 سنوات زواج
مشكلتي زوجي ولسانه اللي مثل السوط يلسع دمر نفسيتي 4 سنوات كل ما يزعل يذوقني المر بأقذع وأفظع الكلمات سواء شفهي او بالمسجات .. لا يخلي اهلً ولا شرف ولا اولاد ... كل كلام القهر سمعته منه يتكلم عن اهلي الميت والحي فيهم .. لين الحين بنتي صار عمرها 3 ونص وتعلمت من السب والصراخ والعصبية ... عندي دليل عليه انه كتب لي طالق بمسج ولكن هالمسج صار له شهر وهو لازال عايش معانا .. كيف انصرف اذا ابا اثبت الطلاق واحط اولادي بحضانتي وعندي كل المسجات والإثباتات بالسب والقذف وانه لا يصلح كاب وزوج ... لانه عصبي وما يتحكم بلسانه ويسب ويضرب أحيانا

المشكله الاهم اني مواطنه ولكن زوجي عربي الجنسية احنا الحين لو طلبت الطلاق شو يكون مصير اولادي .. وهو مايقدر يفارقهم وملعوزني بحياتي ومش سعيده معاه حاولت ابلع واصبر واسكت ولكن صارت حياتنا يوميا سب واهانات لي ولاهلي ... وكله مكتوب واثبات بالمسجات منه ارجوك أفتوني كيف اقدر انصرف واحفظ مستقبل اولادي اللي في بداية حياتهم وبعدهم يادوب يتعلمون الكلام تعلمو السب ... انا قادره إربي اولادي وأشتغل ومش محتاجه لكن اخاف علي اولادي وعلي نفسي منه ومن ردة فعله ... كيف اقدر انفصل واحمي نفسي واحمي اولادي منه لاني مش عارفه شو ممكن تكون ردة فعله اذا تركته ... وأريد اعرف القانون وشو اتصرف بالضبط في المحكمه ووين اروح ارفع دعوه وهل اطبع المسجات اللي فيها سب وطلاق ... الرجاء ألمساعده ضروري

شكرا ويزاكم الله خير