غـلا عمـري
غــلا عمــري أمــي
بجمع شتــــــات حرفي أنا اليوم
و اهمـــس في إذن المحبـة قصيدة
عن دفــــا حضن بالحنان مرسوم
و قلب تسري الطيبة فـــ وريده
حب عظيم نســـــاني كل الهموم
و بقربـه حيـــــاتي أنا دايم سعيده
آه يا اروع غلا و حــب مقسوم
خذيــت القلــب طلبتك لا تعيـده
ثلاث حروف أعشقها عشق هَيوم
اتغزل بها و انتشي بالحان فريده
يمه بحبـج أنــــا خــافقي مـلــزوم
وشـورج أمي أنا دايم تحــت إيـــده
في عيـوني غلاج مقدر و محشوم
كل ما اشــوفج لـــزوم إني أزيده
يا غــــالية يااللي في سمــــايه نجوم
أفتــخر و اعـــتز بـــإني لج وليــده
علمتيني أبتــــعد عن كــل مذمــوم
واحترس في خطوتي و ابقى شديدة
و احرص على رضاج دايم الدوم
لنــي بدون رضاج أفــراحي فقيده
عند أقدامـــج أحــس بلذة النـــوم
لان الجنــــة تحت أقــــدامج أكيـــدة
و اهيم بحبج الدافي ابحر و اعوم
حتى لـو المســافات كانت بعيدة
قلبــي اليــا أصبــح بالهم مسموم
ما غيــرج انتي يـــالحبيبة يفيــــده
كم سهـــرتي لراحتي بنوم معدوم
و كم تحـــديتي ليال صعبة عنيدة
و كم ذرفــتي دمع و الدمع مكلوم
لجـــل تطفي نـــار بقلــبي وقيـده
نبع الحنـان انتي ياورد و مشموم
إنتـي فــرح قلبي و انتي عضيده
حبج يا غلا عمري أمر محــــسوم
محد يشكك به و الخلايق شهيده</b></i>
و ســلااامتكـم ^^