استشارة في تعنيف الاطفال لفظيا و جسديا
السلام عليكم و رحمه الله و بركاته
ما عندي خبره في الامور القانونية ولا اعرف وين اروح او شو الخطوات الانسب لحل المشكله بدون طلاق
بنتي ( العمر تقريبا سنتين )
تتعرض لضرب و الإهانة من ابوها على امور تافهه جدا من يوم ما بدت تتحرك ( تحبي و تمشي ) ، هو انسان دقيق و يحب النظافه وهذا بحد ذاته اكبر مشكله مسببه لنا قلق نفسي لي و لابنتي،
امثله
- يضربها اذا مشيت ع الزوليه الي عند مخرج البيت
- اذا لمست كبته او اغراضه
- يسبها و يلعنها و يلعني معاها ( البنت تعلمت العن وهي صغيره )
- ما يوديها حدائق عامه واذا وديتها مع اهلي او مع اهله يعاملنا كانا قذرات وكل جراثيم الدنيا فينا يخلينا غصبا عنا نتسبح و يسبح البت نص ساعه وهو معصب و يغسل البيت كامل والملابس كلها الدوبي
- ملابسها ما يخليني اغسلها ف البيت وصارت مشاكل بينا وكله يوديها الدوبي و يضيعها ( المشكلة انا الي اشتريلها واصرف عليها وهو ما يدفع الا نادر و بالقوه )
ما اعرف ليش يشوف الدوبي انظف عن غساله بيته
- رافض يستقدم شغالة وهو يساعدني ف شغل البيت عشان جي 24 عصبي و يلعنا و يضرب البنت
- بيتي ممنوع حد يزورني فيه اذا قلت له ضيوف بيزورنا اليوم الفلاني ، يحقق معاي ليش جايين وكم ساعه بيتمو ،، وما يطلع من البيت يزعج ضيوفي وعيالهم ،،، اخر مره دخلو اهلي بيتي من سنتين ونص وبعد سبب لي احراج وعقبها اهلي ما دخلو بيتي.
- حملت مره ثانيه وقالي شربي حبوب وسقطي الجنين وانا رفضت وانا ع وشك الولاده ولا رضى يدفع درهم واحد .
- واخر مره قبل اسبوعين قالي بنتج و الي في بطنج عيال حرام
- دايما يقولي ما ابا عيال و يهددنا بالذبح
بنتي ف نومها كله تصرخ و تصيح وتقوم خايفه وتركض عندي وانا اتم ع اعصابي طبعا هو من حملت وهو ف غرفه ونحن ف غرفه
-غير مشكله الضرب ، النفقه ما ينفق علينا ، و السمك و الدياي و اللحم نارد ما يشتريه للبيت،، ع قوله بشتري الي يعجبني ونادر من تزوجته اروح معه الجمعيه اذا وداني سوق يحاسبني ع كل شي مع اني اخذ من راتبي مب من عنده وهو مرات يدفع الشي القليل .
-وغيرها من امور وعلاقته مع الشباب والعياذ بالله شفت مسجات فقط
وسجلت ادله تثبت كلامي بس سمعت انها مب من صالحي 😞
مب عارفه شو اسوي ووين اروح وهل اذا شتكيت ف المحكمه كبر الموضوع وين تكون حضانه العيال !!