السلام عليكم ورحمة الله
الصراحة عندي مشكلة ومااعرف اسأل فيها منو
انا وزوجي شبه منفصلين بسبت اهله
اخو زوجي طردني من البيت واخوه هذا ساكن برا مأجر بيت له بعيد عنا
انا كنت ساكنة مع زوجي في قسم في البيت وحصل سوء تفاهم
كنت اكلم خادمتي فقامت ام زوجي بسبي بالفاظ مهينة امام اهل البيت والخدم وهذي ام زوجي مشلولة وعمية بس ماشالله عليها لسان يهز جبال
فشكتني عند زوجي واخوه اللي هو يصرف على زوجي واهله لانه مليونير والكل يخافه ويحترمه لاجل ماله مب لهيبته وهواستغفر الله من الجنس الثالث
قامت ام زوجي بالتبلي علي وخبرتهم كلام ماصدر مني بل افترا
فاخو زوجي قعد يصارخ علي ويقول لزوجي هاي تطلقه ولا اروغك من البيت واقطع عنك المصروف
وزوجي هذا عمره 39 واخوه 31
فزوجي قالي روحي بيت هلج بتوصلج ورقتج وان الله شاهد ماعمري اذيتهم الا من حدرت بيتهم وانا ابديهم على عمري وهلي وخاصة ام ريلي دوم اخيط لها الملابس الغاليه واشتريلها كل اللي تحبها ودوم افاجئها بالهدايا لدرجة ان ريلي كم مرة يسافر ومايذكر حد بهديه غير السكرتيرة
فكل مرة اشتري لاهله ولعياله _علما انا متزوجة برجل يكبرني ب13 سنة وعنده 4 عيال مطلق
مب غصبن عني لان اخته هي زوجة اخوي
سوتلي من اخوها فارس الاحلام اللي ادور عليه لان كل مايتجدملي حد كنت ارفض كنت ادور عن انسان غير او مثل مااحلم فيه
المهم فترة من جلوسي اخوي قال بندي تليفوناتج عشان نتجنب مشاكله وتتطلقين بهدوء دامج طالعة ببياض ويه لان طليجت زوجي كانت على علاقة بواحد وقت اللي كانت على ذمت ريلي فعلقها كم سنة وعقب طلقها
من فترة فتحت تليفوني حصلته مطرش رساله يقول انه اسف وانه بعده يحبي ويباني
اكلمه
فرديت عليه في رساله شو غير رايك مب انا البدوية اللي مااصلح لك ولا لاهلك
فقال يبا يكلمني فقعدت فترة عقب كلمته والصراحة ندمت اني كلمته لانه انسان وايد بهدلني في حياتي وهيو يعرف اني انسانه حساسة ومااتحمل الصريخ والتهديد ودوم انظلم من اهله وعياله
من فنرة كنت في المستشفى دخلتها بسبب ان اقدمت على الانتحار ماكان عندي اي قابلية للاحتمال هالانسان اللي عشت معاه سنتين ماكنت اسمع منه اي كلمة زينة الا اذا يبا سلف من عندي اومن هلي او اذا يبا واسطة من هلي وكلهم قالو لي قبل مااعرس هذا ماخذنج على طمع
المهم الحين انا عندي منه وللاسف ولد ويدعي انه بيموت فيه
الحين قاعد يههد ان يشتكي عليا وياخذ ولدي مني اذا بغى واذا في اي وقت حب يشل ولده يوديه بيت هله اذا رفضت بياخذه فقلت له ماابا ولدي يسير اليت اللي انطردنا منه فمااعرف شو اسوي هلي بدو ويخافون من الرمسة لان نحن ناس معروفين
قلت لهم بسير المحكمة بطلب الطلاق وبطالب ببزاتي وبذهبي اللي خذه عني
فقالو ماعندنا حريم يسيرن محاكم خليها تي منه هو عشان مانطلع نحن الغلطانين
وانا على هالحال 4 شهور
وهو قال انا ماابا اطلح اذا بغيت بأدبج وبعلقج مايعرفاني اقدر اطلع قرار من مكتب محمد بن راشد واخليه يطلج بس هلي يبون الغلط يطلع منه
انا ابا حد يساعدني على موضوع ولدي هل يقدر ياخذه مني وهل انا مجبورة يشل ولدي مني ويوديه عنده هله يشوفونه مع العلم ان بيتهم بعيد جريب النص ساعة وانا مااتحمل ولدي يغيب عن عيني دقيقة
مع العلم ان بيتهم مايصلح للتربية بيتهم استغفر الله تشبه بيوت الدعارة
احد يرضا يشوف امه او اخته مكشوفه على رجل خادم في غرفة النوم والخدم الريايل ياكلون معاهم ويتكشفون على عوراتهم مع العلم انهم نس مب متدينين لاشيلة ولاستر ولحاف ولاحشمة ولا صلاة ولا ملتزمين بالشرع الصدر والبط والجسم يكله يبان والغريب يشوف
وانا ولله الحمدلله انسانة متدينه ماعمر حد فيهم ولا خدامينهم الريايل شافو شعري او جسمي لاني ماكنت اطلع من بيتي الا لبسي واسع وحشيم
التعديل الأخير تم بواسطة noirpink ; 07-25-2009 الساعة 04:09 AM
سبب آخر: نقص